17. Schortens

De fait, Eole nous a exaucé. Le vent est modéré ce matin et nous faisons route à l'est pour l'essentiel de la journée. Il nous pousse donc. Ce n'est pas vraiment sensible mais du moins, nous n'avons plus à l'affronter comme hier. De fait, notre vitesse est plus élevée et nous arrivons au camping à 16 heures 30 sans avoir eu besoin de choisir l'itinéraire raccourci préparé hier soir au cas où...

Fakte, Eolo plenumis nian peton. La vento estas dolĉa ĉi-matene kaj, ĉar ni iras orienten dum la plej granda parto de la tago, li puŝas nin. Ĝi ne estas vere sentebla sed almenaŭ ni ne devas alfronti ĝin kiel hieraŭ. Konsekvence, nia rapideco estas pli alta kaj ni alvenas al la kampadejo je la 16:30. Plie, ni ne devis elekti la mallongigitan itineron, kiun mi preparis hieraŭ nokte, se...

La suno, radianta kaj varma sed ne tro multe, estas ankaŭ tie. Li sekigas la tendon antaŭ nia foriro kaj akompanas nin dum la tuta tago. Estas la unua tago de somero.

La pejzaĝoj hodiaŭ estas grandiozaj, laŭ la digo. Komence ni sekvas ĝin laŭ la flanko de kamparo, kiel kutime kaj ni pensas, ke ĉi tiu tago estos kiel la aliaj sed ne estas tiel ĉar baldaŭ, ni pasas aliflanke de la digo kaj... magio ! Dum kilometroj, ni veturas kun vido al la maro, kiel en sonĝo.

Certe la itinero estas tre okupata de multaj biciklantoj, iuj turismaj instalaĵoj iom difektas la pejzaĝon sen tro malbeligi ĝin. La vojo estas perpendikulara al la deklivo de la digo, alta proksimume dek metrojn kaj vi havas la strangan impreson esti en velodromo, kvankam oni neniam vidis mi kredas ke necesas tie slalomi inter la ŝafoj. Nova olimpika disciplino en perspektivo ? Kial ne ?

Dek kilometrojn antaŭ nia celo, nia itinero iras suden, en la kamparo, tra dezertaj vojoj kaj verdaj vojoj. Ĝis ni aliĝas dum la lastaj kilometroj al la biciklovojo paralela al la nacia vojo. Reen al la realo. Bruo, rapideco, benzino fetoro, reala vivo, ĉu ne ?

Alveninte al la kampadejo, post duŝado kaj butikumado, estas tempo festi someron. Eta botelo de roza vino. Je via sano !